Наьсарерча берий беша кхувш боагӏараш Гӏалгӏайчен мехктохкама музее хилар
«Тӏормигаца хьамсарча мехка гӏолла лелаш» яхача проекта чудоагӏаш, гӏалгӏай метта, литературанна хетадаь итта ди дӏахьош, Наьсарен №1 йолча берий бешара зӏамигбараш бахар «Тамашийна гӏала» яхача Гӏалгӏайчен Малсаганаькъан Т.Х. цӏерагӏча паччахьалкхен музее, яхаш, хоам бу «Сердало» газетага мехка дешара, ӏилман Министерствос.
«Музея болхлоша берашта довзийтар гойтама залашкара белхаш. Берашта дайра дӏаяхача ханашка вай даьша леладаь вахарера гӏирсаш, иштта хайра цар вахар мишта хиннад; къаьнара ӏадаташ, истори, цхьацца дола музея къаьстта балхаш дайра. Геттара чӏоагӏа цар терко тӏаяхийтар «Тӏема сийле» яхача, Сийлахь-боккха Даьймехка тӏом лаьттача ханашкарча оагӏонна. Берашта дайра бӏухой сурташ, орденаш, майдилгаш, цар тӏем тӏара ахийта каьхаташ, цар шоай доалахьа лелаяь хӏамаш, герза кепаш», - аьлар тхоца къамаьл даьчо.
Таханарча заман дешара наькъ тӏа, лоархӏаме да деша даха ха йоацача берашта Даьхенцара безам совбоаккхаш кхетам балар. Цу тайпара вай таро хургья къаман ӏадаташ дӏадахьа, Даьхе лорае кийча дола ноахал хьалкхеде.
