Россе толашагӏа йола почтамт я, аьнна, белгалйир Наьсаренъяр
Наьсарерча почтамтá «Россе толашагӏа йола почтамт» яха цӏи елар, 2025-ча шерара болх теркалбаь. Цу гӏулакха хетаяь кхетаче дӏайихьар Москве. Таьрахьашцарча технологега, иштта кхыдарашка гӏолла шоай болх тоабеш къахьийгад цу гӏулакха хьалхалаттараша. Галай Мухьмада кулгал деча оагӏонца, 25 бувзама моттиг я тахан.
«Цул совгӏа, Юкъерча Ачалкхера почтови бувзама моттиг Россе юрташкарча оагӏонашта юкъе эггара толашагӏа я, аьнна, белгалйир. Укх бетта 15- ча дийнахьа Магасе гуллургба толашагӏа болча болхлошта баркал кхайкаде», - йоах «Сердалога» мехкарча Паччахьалкхера кхаьчача хоамо.
Почтан бувзама моттигаша тахан дӏахьошбар чӏоагӏа лоархӏаме, боккха болх ба. Таьрахьашца дувзаденнараш хьадаьржача заманга хьежжа гӏа боаккхаш, шоай болх кердача тайпара тоабеш, наха аьттув хургбараш юкъелоацаш, къахьегаш ба цу гӏулакха керте латтараш.
