ГӏР НБ дӏахо а книжкай ганзаш вӏашагӏтохаш я, цаӏ йола таьрахьий экосистема еш
Янданаькъан Жамалда цӏерагӏча къаман библиотеке дӏахо йоккха проект кхоачашъеш я, республикан Централизованни библиотекай балха электронни каталогаш хьакхоллаш. Из болх дӏаболабаьб 2024 шера. Цун керттера маӏан да, библиотека болх кердабаккхар, книжкай ганзаш вӏашагӏтохар.
«Проекта керттердар да, цу даькъ тӏа болх бе ховш бола говзанчаш кийчбар.
Цига каст-каста семинарски дешар дӏахьу, иштта шоаш ӏомадаьр кердадоаккх. Цу балха тӏахьожаш я проекта кулгалхо, ГР НБ электронни, ӏадатий каталогий отдела кулгалхо Гӏудантанаькъан Аза. Цо цу даькъ тӏа болх бу дикка ха я, балха говзал лакха я», - аьлар «Сердало» газетага Гӏалгӏайчен библиотеке.
Болхлошта говзал ӏомае таро луш хиларо дӏахо а республикан бахархошта ӏалашо ергья, из мехка тӏехьале атта лелае.
