Шолжа кхален цхьайолча моттигашка ток хургьяц
07.07.2025 10:03
Шолжа кхален цхьайолча моттигашка ток хургьяц. Бахьан - тока оагӀон къахьегамхой цига балхаш дӀахьош хилар. Из хоам «Сердалога» бир кхален администраце.
«№ 128 йолча бӀоагӀа тӀара 110 Кв РЛ- 122 гӀирс бохарца беш ба из болх. Цунга хьежжа, шин сахьатагара пхи сахьат даллалца ток хургьяц ВЛ - 110 Кв тока саьргашка Ищерске- Пхьилекъонгий-Юрта, иштта Шолжа шахьаре», - йоах тхогарча хоамо.
Ток йоацаш эшача хӀамашка кийчо е еза бахархоша, лоралуш хила!
