Ер бутт чакхбоалаш, хьаелларгья Сурхо тӀара керда амбулатори
03.09.2024 18:13
Ер бутт йистебоалаш, хьаелла лерхӀача Сурхо тӀарча амбулаторех хьоахадир вай Мехкадас. Кастта бахархой тӀаийбе йолалургйола моттиг малагӀча боараме тоаяьй хьожаш хилар республикан Кулгалхо. Из хоам «Сердало» газетага бир Мехкадаь зарбан болх лелабераша. Керда амбулатори дийнахьа 180 саг тӀаэцаш хургья.
Терапевт, царгий лор, берий лор, лаборатори, иштта маха тохаш, кхыдола гӀулакхаш дӀахьош кабинеташ я цига. Республикан кулгалхочо белгалдир, бахархой тӀаийбеш йола моттиг лакхача боараме ший болх дӀахьош хила езилга: «Наьха хьашташ дикка кхоачашдеш хила деза.
УнахцӀено эггара лоархӀаме, керттера гӀулакх да сага вахаре». Керда амбулатори хьаелларах, юртарча наха доккха совгӀат хургда.
