Кхозза вӀаштӀара яь гӀишло хьалъе йолайир, дӀадахача шера бӀаьсти. Цо дӀалоац 12 эзар кв.м. ГӀишлон чуйоагӀаш я 100 балха моттиг. Уж я Ӏилмаех йола кабинеташ, лаборатореш, актовии спортивнии залаш, кхача кийчбу моттиг, лоацца аьлча, эшаш мел дар леладара дола хьалаш.

«Оаха кхоачашдаьд кхерамзлен хаттар а. ГӀишлон чу пхиъ аварийни моттигаш я, иштта цӀи ялара кхерамзлен Ӏалашо яьй», - аьлар даькъ тӀарча кулгалхочо.

Таханарча дийнахьа гӀишлон балхаш дика дӀахьу. Цхьа тоаба гӀишлон чура балхаш доахаш йоаллача хана, шоллагӀъяр - арахьара балхаш йистедоахаш я. Дешархошта лаьрхӀа спортивни майдаш я кийчъеш, ишкола ков тоадеш латт.

514 млн сома маьха гӀишло хьалъяь яргья, ер шу йистедоалаш. Белгалду, из гӀишло «Дешар» яхача къаман проектах хьалъеш хилар.