Магасерча «Даьре никъ» яхача парка куц тоадир кердача хьармакхаша
07.04.2026 11:01
Хозача хьармакхий шахьар хулаш латт Магасах хӏара денна. Из хоам «Сердалога» бир шахьара мэре.
«Зеленхоз» яхача оагӏон болхлой «Даьре никъ» яхача парка моттигашка керда хьармакхаш дӏадогӏаш боахк.
Иштта кхыйолча моттигашка а дӏахьош латт из болх. Кастта еррига Магас тайп-тайпарча хьармакхий хозало дӏалоацаргья», - йоах тхога бенача хоамо.
Шахьара да волча Тиймарзанаькъан Мусайна дагадеха хӏама да из; бахархошта, хьаьшашта Магаса моттигаш хозагӏа хилийтар ловш.
