Ток лоаттаеча кердача оагӏоно мехкарча бахархошта таьрахьашца гӏулакх дар доладу
Ток лоаттаеча оагӏонца хувцамаш да тахан мехка. Цу гӏулакхех йола офисаш хьаеллаш, кассови терминалаш ӏоувттаеш, иштта цу оагӏонцара декхар дӏатӏаахийтарца дувзаденнараш юкъелоацаш, болх дӏахьош ба тахан мехка. «Сердалога» из хоам бу мехкарча Паччахьалкхено.
«Ток лоаттаеча оагӏонца массехк тайпара бувзам лоаттабе йиш я тахан бахархой – цу оагӏонцарча гӏулакхех болча гӏирсо хьагойтар дӏахьокхар, токах дола декхар дӏаденна, цу балхаца дувзаденнараш довзар. Укх бетта 31-ча денга кхаччалца дӏагойта йиш я из.
Хӏаьта наьха «лицевой счёташ», чӏоагӏо яь къоастадаьраш шоаш хиннача тайпара дусаш да – кердача оагӏон тӏа дӏатӏадаьккхад из», - йоах тхога бенача хоамо. Токах хьатехача ахчанцара болх, цӏагӏара аравала ца везаш, доалахьарча кабинете гӏолла е «ЕГП Онлайн» мобильни оагӏонга гӏолла дӏабахьа йиш я.
Счётчикаша хьатехар дӏатӏакхахьийта, хьадеттача декхарга хьожаш хила атто еш ба из оагӏув. Бахархошта уж деррига хӏамаш дӏадовзийташ болх дӏахьош ба тока оагӏон болхлой.
