ГӏалгӀайчен СВО бӀухоша тӀема декхарех дийцар, Илдарха-Гӏалан студенташта
ГӏалгӀай Республикан лаьрххӀача тӀема операце бӀухоша тӀема декхарех дийцар Илдарха-Гӏалан паччахьалкхен а, дол деча даькъ тӀарча амала Колледжа студенташта, яхаш, дийцар «Сердало» газетага «Даьхен лорабой» ганза кулгалхочун гӀончас.
«Патриотически оагӀон программа вӀашагӀйоллара бахьан дар, Россе халкъа хьашташ кхоачашдеш латта бӀухой лархӀа безилга кагирхошта хьалхадаккхар. Цига баьхкабар тӀема ветеранаш Зангенаькъан Хьусен, Хамхой Ислам, Йовлой Идрис,Темирханаькъан Амиран, Евкуранаькъан Ислам иштта Илдарха-Гӏалан администраце керттера говзанча Евкуранаькъан Микаил.
Хӏара истори дувцарга гӀолла, берашта довзийтар латтача бӀухой денал, котало йоаккхаргхиларах уж тешаш хилар. Къаьстта цар терко тӀаяхийтар тӀема даькъ тӀа шоайла барт болаш, безаме, моллагӀа гӀулакх хьаллаца кийча болаш хилара», - аьлар хоамо.
Тхоца къамаьл даьчо яхачох, кхетаче дӀахьош дийцар, хӀара зӀамигача сага мел лоархӀаме да ший мохк лорабар, эшача цун хьашташ кхоачашдара кийча хилар. Бӏухоша белгалдир, шоай говзал хиларо новкъостал ду кӀоаргагӀа довза, иштта мах оттабе маьршача вахара.
