Гӏалгӏайчен хӏамаш дохкаш мах бар, 50 млрд сомал совдаьлар
Къилбаседа Кавказстата яхачох, Гӏалгӏай Республике нахага хӏама дохкаш мах барах 2025 шера хьахиннар да 50358,8 миллион сом. Из маьхашка диллача 105,5% хул, дӏадахача шера хинначунца нийсдича, цо хьагойт мехка эцара хьал дегӏадоагӏаш хилар.
«Республике наха юкъе мах бара хьал тайп-тайпара да. Йоккхийча, юкъерча организацешта кхоач дохкачун 15,2% юкъарча боарамах; мах беш йола базараш, ярмаркаш лоархӏаме дакъа дӏалоацаш я - 44,6% товар дохкара оагӏув. Зӏамагӏа йола бизнес дӏахо лакха толамаш гойташ я, цунга кхоач 40,2% юкъара дехкача товарагара», - аьлар боахама говзанчас.
Товар дохкарах долча хьала мах оттабича гуш да, керттерча даькъ тӏа дика толамаш даьха хилар. Республикан бахархошка дехкад карарча шера наджгоанцхой-тов бетташка кхача даараш, цу юкъе малараш, тхьамка гӏирсаш долаш 26028,6 миллион сома. Из гойтам 16,2% лакхагӏа ба, 2024 шера хинначул. Кхачан доаца товараш маьхалдахара хьал иштта лакха хилар, 12,5% дукхагӏа долаш, из хилар 24330,3 миллион сом.
Хӏамаш йохкаш мах бара хьал дегӏадоаладара болх дӏахо а лакхлуш боагӏа, цхьан сага сина кхоачунга диллача. Наджгоанцхой-тов бетташка, 2025 шера из хилар юкъера 10468,7 сом бетта, из дикка лакхагӏа да 2024 шера, наджгоанцхой-тов бетта хинначул - 8823,5 сома. Цу хоамаша чӏоагӏду Гӏалгӏайчен товар дохкара даькъ тӏара хьал дика латташ хилар, цун бахархой таронаш дегӏайоагӏаш хилар.
