Республикера цӀерца къовсам лоаттабераш яхьебаьлар
05.11.2024 09:37
Къаман цхьанкхетара Ди, пайда болаш, дӀадахьа лаьрхӀар вай мехкарча МЧС болхлоша. Шоай мел бола кхоачам тӀабувхаш, цхьан доазон тӀа футболах, волейболах, баскетболах ловзаш хилар уж. Кадай, сиха хьовзар шоай оамалашка чӀоагӀдеш дӀадихьар цар ловзар. Из хоам «Сердалога» бир республикерча МЧС ГУ.
«ЦӀи яьннача оарцагӀа болхача хана лелабу гӀирс бувхаш, кийнаш тухкаш, къайладаьха кулгаш долаш, хӀаьта букъ тӀехьашка 20 кийла фо чудола садоаха аппарат йоаллаш, ловзаш бар уж денал дола къахьегамхой. Низах геттара чӀоагӀбеннараш мара ловзалургбац иштта кийчбенна болаш», - белгалдир цӀерцарча хатарех нах кӀалхарбахарах йолча спорта оагӀонна хьалха латтача Могушканаькъан Ахьмада.
Теркалде деза, царна тӀабувха гӀирс 30 кийлал безагӀа болга.
