1000 дезало наьна ганз оала ахча хьаийцар
Ер шу дӀадоладелча денз, ГӀалгӀайче 960 дезало наьна ганз оалача ахчан каьхаташ хьаийцад, дехар язде а ца дезаш. Цун бахьан да, дехар язде ца дезаш из гӀулакх оттадаь хилар, из бокъо вайцига болх бе йолаелар 2020 шера денз.
Россе вахара ганза (СФР) ГӀалгӀайче гӀолла эшаш дола каьхаташ вӀаштӀехьдоах, ЗАГСерча бераш даь хилара долча тешалашка хьежжа. Цул тӀехьагӀа наьнага хьадоагӀа электронни ахчан каьхат Госуслуги портала тӀа, бера наьна доалахьарча кабинете. Из хоам газетага бир ГӀалгӀайче гӀолла долча СФР даькъа кулгалхочо Йовлой Зубейрас.
2024 шера, наьна ганз 630 380 сом дар хьалхарча бера, 833 эзар сом шоллагӀча бера, (нагахьа санна, хьалхарча бера из ахча хьаэцанза хиннадале), шоллагӀа бер дича тӀакхеташ дар 202,6 эзар сом да.
Карарча шера из ахча далара даькъ тӀа цхьацца хувцамаш хиннад: Гражданство: ахча даьна е нанна луш да, из бер деча хана Россе гражданаш уж хиннабале. РФ гражданаш хила беза уж. Цхьаь бола даьй: Шоаш бераш кхедеш бола даьй таро йолаш ба пенси Ӏоадара наьна ганзацара ахча дӀахьожаде.
Дезал бокъо йолаш ба, наьна ганз оала ахча цӀенош хьадара дӀадахийта.
Дехар а ца яздеш, наьна ганзера ахча хьаэца таро хиларах, ГӀалгӀайчен дезалашта сиха а дика а новкъостал хул.
