Юкъера бувзам чӏоагӏбарах дийцар мехкарча сага бокъонех волча викала, ЦУРа кулгалхочо
Сага бокъонех вола викал Цӏечой Ибрахӏим, ЦУРа кулгалхо Банхайнаькъан Берс кхетаче дӏахьош хилар. Цар дийцар бахархой бокъонаш лораяра тӏехьа е езача терконах. Бахархошца массахана бувзаме хилар, цар бокъонаш лораяра тӏехьа къахьегар лоархӏаме долга белгалдир хьакимаша. Къаьстта терко еш дийцар нахагара тӏалатташ дола хаттараш, лоткъамаш боаггӏача боараме теркалдарах.
«Мехкарча ЦУРа, республикерча сага бокъонех волча викала вӏаший бувзаме болаш дӏабахьа безаш болх ба из. Кхетаче дӏахьош хиннача хьакимаша къоастадир, вахара оагӏонашка е ЦУРе гӏолла наьха бокъонаш лора ца еш хилар гучадоале, из гӏулакх цу сахьате сага бокъонех волча викалга дӏакхоачийтаргдолаш. Иштта дӏахьоча балхо дикагӏа довзийтаргда цу оагӏонцара кхоачамбоацараш», - дийцар «Сердалога» мехкарча УПЧ.
Из беррига болх бахархой бокъонаш лораяра тӏехьа дӏахьош ба. Дикка пайда беш хургда аьнна хет цу оагӏонцара болх иштта тоабар.
