Цӏийоацара дарба деча лораша чоалхане операци дика чакхъяьккхар
18.02.2026 16:44
Республикански онкологически диспансере лакха технологически хирургий болх бир 1940 шера ваьча сага, цун оттадаь лазар дар: чурий лохерча оагӏон цӏийоацар хилар, яхаш, дийцар «Сердало» газетага республикан унахцӏенон Министерствос.
«Из лазар ший тайпара дарба дезаш да, геттара тахка дезаш а цунца ший белггала бехктокхаме хила везаш а да», - аьлар хоамо.
Саг эттӏавар дӏадихьар шин даькъа дийкъа. Хьалхарча аргӏагӏа дарбан оагӏув чакхъяьккхар, дӏахо эттӏаве кийчо еш хилар.
Шоллагӏча даькъе чура дегӏа маьженаш лораеш йола хала операци йир. Из дика чакхъяьлар лораш лакха профессиональни говзал йолаш, шоай болх дика бовзаш хиларах. Из саг хӏанз дикагӏа ва, цун могашал лорий теркама юкъе я.
