Болх беш болча даьшта, ноаношта ахча хьожадар чӏоагӏдеш хургба мехкарча ОСФР
Шиъ е дукхагӏа бераш долча даьшта, ноаношта ахча хьожадара тӏагӏолла хьатӏабоагӏача бетта мехкарча РФ пенсионни Ганза оагӏоно дехараш чуийдергда.
Аьтинга бетта 1-ча дийнахьа денз, мехка латтача 1,5 боарамал лохагӏа ахча хьатӏадоагӏаш болча даьшта, ноаношта кхы а ахча хьожадергда. МФЦ, Госуслуги яхача оагӏонга е ОСФР гӏолла чудала йиш я дехар. Цу юкъеболх бераш хьаийцараш, берашка хьожаш бараш, очно деша дагӏаш 18 шергара 23 шерга кхаччалца бераш дараш. Болх беш болаш, бӏарччача шера шоай алапе тӏара НДФЛ дӏачутелаш бараш а ба цу юкъеболхаш. Шу йистедаьлча 13% - тӏара 7% юхалу царна.
Мехкарча ОСФР белгалдечох, шийна из ахча доагӏий хьажа дезала хьатӏадоагӏар укх формулах диста диза: Хӏаранена хьатӏадоагӏар = (Шера дезала хьатӏадоагӏаш дола ахча ÷ 12) ÷ Дезале мел нах ба. Шера цкъа луш да из ахча, хӏаьта из доагӏаш хилара бокъон гӏулакх а хӏара шера кердадаха деза.
«РФ гражданство йолаш хила беза да, нана, бераш. Балхара дӏадахача шера хьатӏаденар мелад хьажа, цох НДФЛ дӏаяла езаш ба уж. Цул совгӏа, алиментех декхар тӏалатташ а хила йиш яц. Берашта доал дара бокъо дӏаяьккха болча наха дагӏац из ахча», - дийцар тхога мехкарча СФР оагӏон кулгал деча Йовлой Зубейра.
