Наьсарера Осканаькъан го кхераме хургбоацаш тоабе лерхӏ
Наьасарера Осканаькъан го болча, цхьацца хувцамаш де лерхӏ шахьарерча хьакимаша. Бахархошта дезар хьаллоацаш; зизаш, кӏотаргаш дӏаегӏа куц тоадергда цун доазон, хӏаьта РФ Турпала Осканаькъан Сулумбика сийленна оттадаь дагалоаттама улг Коталон Аллея доазув долча дӏахьоргда.
«Шахьара мэр волча Оздой Руслана белгалдечох, бахархошта кхераме йоацаш, хоза тоаяь моттиг хургья из. Хоржамаш дӏадихьа цхьа хӏама оттае лаьрхӏадар цига, бакъда из уйла цхьацца бахьанех хийцар. Дукхагӏа болча бахархошта дезар да машинаца водача хана наькъ тӏара хьал ма дарра гургдолча тайпара цигара хьал хилар, из хьаллаьцар хьакимаша а», - дийцар «Сердалога» вай мехкарча паччахьалкхене.
Хьалхара кийчо яь баьннаб цига болхлой, кӏалхара моттиг дикка шаьръяьй. Хьатӏадоагӏача кӏира дӏаболабергба из доазув баьццардерзадеш бола болх.
