ЦӀен юхегӀа хьалвоалаве аьттув баьлар, лаьца воалла ГӀалгӀайчен вахархо
29.01.2025 12:11
Сага бокъонех волча викала гӀо деш, лаьца воалла вай мехкахо вахача моттига юхегӀа хургволаш, хьалвоалаве аьттув баьлар. Из тахан хьалхара нийслуш дац. Къаьстта таро йоацача наха низткъала хул гаьнарча моттиге лаьца воаллача шоай сага тӀехьааха, цудухьа УПЧ новкъостал деха боагӀа уж. Укх наькъа из дехар де тӀаенар яр Самаре воӀ лаьца воалла МагӀалбикера яхархо.
«Сага бокъонех волча викала федеральни оагӀон цу мугӀарерча болхлошца бувзаме ваьнна, цхьана болх дӀабихьа, теха ха Нохчий мехкарча набахта йоаккхаргйолаш хьалвоалавир дог деха хьувзача кхалсага воӀ», - дийцар тхога УПЧ.
