Мехкара СФР наьха гӏулакхашка хьожаш я
Шоаш болча тӏалаттача наьха гӏулакхашка хьожаш ба тахан мехкарча пенсионни Ганза оагӏон болхлой. 2026-ча шера пенси доладала дезача 1000 сага каьхаташ кийчдаьд цар карарча хана. Из хоам «Сердалога» бера цу моттигера.
«Хьалххе деррига кийча хилча, пенси ший ханнахьа хьадолалу. Уж беррига нах укх шера пенсе баха безаш ба. Сага къахьегама стаж мел я хьожаш, хьалххе болх чакхбаккха беза СФР оагӏон болхлой. Архивашка, иштта кхыйолча моттигашка гӏолла дӏахьош гӏулакх да из», - йоах тха газетага бенача хоамо.
«Къоанала доагӏаш дола пенси хьадолалургдолаш, къахьегаш хиннача шерашца дувзаденнар боаггӏача боараме латташ хила деза каьхаташ тӏа, цунга хьежжа хургба пенсе боарам а. Госуслуги яхача портале гӏолла цу оагӏонца двзаденнараш тахка деза пенсе водачо. Нагахьа кхоачамбоацараш хуле, дехар чуденна хьатахка деза деррига», - белгалдир СФР оагӏонна кулгал деча Йовлой Зубейра.
