Ленинград лораеш хиннача гӏалгӏай бӏухоех бола дагалоаттам хьабелларгба, «Невски лаьттан дакъилг» оалача моттиге
«АСМ Групп» гӏишлон тоаба, Гӏалгӏай Республикан массазарча викалца цхьана Санкт-Петербурге керда сийленг оттадара архитектурни кеп тохкаш хилар. Из сийленг хетадаь да Сийлахь-боккха Даьймехка тӏом латташ, Ленинграда лаьтта дӏа ца хецаш, латаш хиннача бӏухошта-гӏалгӏашта.
Из сийленг оттаде лерхӏ «Невский лаьттан дакъилг» оалача цӏи тӏема- исторически моттига даькъ тӏа. Цу проекто тӏахьех Гӏалгӏайчен бӏухоех бола дагалоаттам лорабара, Котало йоаккхаш цар юкъедена дакъа мах баь варгвоацаш да.
«Невски лаьттан дакъилг» яха моттиг я Невски Дубровканна духьала, Нева яхача хин малхбоален берда тӏа. Из Ленинградски фронта бӏухоша дӏа ца хецаш лораяьй 1941 шера тов бетта 19 ча денгара 1943 шера саькура бетта 17- ча денга кхаччалца. Ленинград лораеш чӏоагӏа тӏом латташ, из зӏамига лаьттан чӏегилг эггара лирагӏча къовсаме хилар. Цига шоай синош дӏаделар 100 000 советски салтечо. Тахан «Невский лаьттан дакъилг» оала моттиг дерригача дунен тӏа цӏихеза я, эггара чӏоагӏагӏа турпалал гойта моттиг лоархӏаш хиларах. Цига керда сийленг хьалдаро халкъашта юкъера цхьоагӏо чӏоагӏъю, Даьхен бӏухой лерхӏам бу.
