Гӏалгӏайчен юкъарча транспорта парке ийс керда автобус енай
Гӏалгӏайчен юкъарча транспорта парк хьалйизар - паччахьалкхен «Ингуштранспорта» елар ийс керда ПАЗ VectorNEXT яха автобусаш. Цар дӏоагӏаш хьалуш лаьрххӏа йола кхетаче хилар «Вахара хьалаш» яхача къаман программа чуйоагӏаш. Керда машинаш эцаш дӏадахар да 86, 4 млн сом. Цу ахчах 51 млн сом - федеральни ӏаьдало хьахьожадаь да, республиканна долча новкъостала.
Гӏалгӏайчен Кулгалхочо Келаматанаькъан Махьмуд-ӏаьлас яхачох, керда транспорт дӏаекъаш хьалхарча аргӏагӏа дӏалаьрхӏар бахархой латкъаш хилар; транспорт хьакхоачаш яц, яхаш. Керда автобусаш араяьлар вахаре лоархӏамегӏа йолча моттигашка. Уж я Наьсаре-Магӏалбик, Наьсаре-Яндакъонгий-Юрт-Гадаборшакъонгий-Юрт, Наьсаре-Онгушт, Наьсаре-Эккажкъонгий-Юрт-Магас, Наьсаре- Яндаре, Шолже-Серноводск, Магӏалбик-Инаркъе. Тӏехьара тӏа цу тайпара транспорт хиларо бахархой вахара хьал аттача доаккхаргда, царга хьежаш йола ха а кӏезигагӏа йоаергья.
Хӏара кердача машина чу 59 сага лаьрхӏа моттигаш я, уж я вай заман кхерамзле, кхыдола хьалаш а чудолаш. ПАЗ VectorNEXT автобусаш лаьрхӏа я нах сиха ӏобалара, хьатӏаховшабара, из атта я боккхийча наха, берашца болча даьшта, иштта цу чу таро я карта тӏара ахча билетах дӏадала.
Эшаш йола транспорт республике лоаттаяра болх дӏахо а дегӏабоалабе лаьрхӏад. Республиканна эшача гӏулакха кхы а ийс керда машина эцаргья 2027 шера, аргӏ-аргӏагӏа кердабоаккхаш дӏахьоргба Гӏалгӏайчен транспорта болх.
