«Сферума толамхо - 2026» яха диплом делар вай мехкарча хьехархочоа
Кхолламах йолча Паччахьалкхен колледжа кулгалхочун гӏонча йола Базорканаькъан Хадижат «Сферума толамхо» яхача ерригача Россе Преме « Сферума оаз» яхача оагӏонца диплом луш белгалйир. Москверча «Сферума» VK – оператора кӏийлен керттерча фусаме дӏайихьар из лоархӏаме кхетаче. Цига гулбеннабар толашагӏа бола хьехархой, методисташ, Россе регионашкарча дешара моттигий администратораш.
«Базорканаькъан Хадижат таьрахьашцарча дешара оагӏонцара болх боаржабеш, кердадараш цу юкъедоахаш къахьегаш я тахан. Ший декхараш дизза кхоачашдеш, ший никъ лоархӏаш йола хьехархо я из», - дийцар «Сердалога» колледже.
«Сферум» яхача платформага гӏолла дешара оагӏонцара болх тоабечарна хьожаяь я «Сферума толамхо» яха Преми.
«Сферума оаз» яхача оагӏонца белгалбу таьрахьашца дувзаденнараш балха юкъелоацаш, хьинаре къахьегараш, болх дикагӏа тоабераш. Базорканаькъан Хадижат цу наькъ тӏа дикка белгалъяьннарех я тахан.
