Москве дӏайихьача дешара кхетаче дакъа лоацаш хилар вай мехкара хьехархой
06.07.2026 11:05
«Кхетам балара оагӏув: бувзам, ӏадаташ, цхьанкхетар» яхача Ерригача Россе гулламе дакъа лоацаш хилар вай мехкара кхо хьехархо. Из хоам «Сердалога» бир «Бералла наькъаш» яхача проекта зарбан болх лелабераша.
«Диъ дийнахьа лаьттача кхетаче, тахан хьадаьнна кердадараш юкъелоацаш, берашта кхетам балара гӏулакхах, уж нийсача наькъ тӏа дахарах дийцар Россе дешара моттигашкара, Байконурера гулбенна хиннача берашца болх дӏахьочар. Таханарча хано дӏадеххача тайпара, деррига тоадеш, бераша дӏаэцаргдолча тайпара царна моллагӏа хӏама духьалдахьарах дийцар йоккхача кхетаче. Вай мехкара цига баха хилар дешара моттигий кулгалхой гӏончаш бола Аькхенаькъан Хеда, Овшанаькъан Танзила, Совтанаькъан Хьава», - йоах тхога кхаьчача хоамо.
