Гӏалгӏайчен Хьалхарчар даьккхар гранташ кхоачашъяра 800 000 сом
«Хьалхарчар болама» хьинар дараша котало яьккхар грантови йиъ проектах, цар мах ба 800 000 сом, яхаш, дийцар «Сердало» газетага болама моттигерча даькъе.
«Яхьан кхоалагӏча сезона хьалхарча доакъой, 2025-2026 шерашкара чаккхе еш, республикан йиъ дешара моттиго шоаш гойтар дика кийчо яь хилара боарам тӏа. Тӏой-Юртара №1 йола, Осменааькъан цӏерагӏа ООШ, Магас шахьара №1 йола Лицей-ДС, «Гаьгенаькъан цӏерагӏа Къаман лорий колледж», Наьсарен №15 йола юкъера ишкол («Хьалхара Лига» яхача даькъ тӏа) 200 000 сом даьккхарех я. Уж ахчан хьалаш тоабаша дӏадохийтаргда юххьанцара отделенеш дегӏайоалаеш, цига оборудовани эцаш, шоай доалахьара проекташ кхоачашъеш, – аьлар хоамо.
«Республикерча яхьашка дакъа лоацаш хилар 49 юххьанцара моттиг, цу юкъе 70% дика чакхбаьлар. Зӏамигача мехка из дика толам ба!», - аьлар моттигерча даькъа кулгалхочо Албохчанаькъан Маринас.
