ЦУРе тӏалатта дукхагӏа дола хаттараш ЖКХ оагӏонца дувзаденна да
12.05.2026 12:49
Дӏадахача кӏира вай мехкарча доал деча моттиге (ЦУР) бахархошкара 113 совгӏа хаттар кхаьчад. Дӏабихьача тохкамо хьагойт, эггара дукхагӏа хаттараш хиннараш Наьсархой болга – 47%.
«Шоаш бахача шахьарашкарча, юрташкарча кхоачамбоацарех дувцаш ба мехкахой. Хӏаьта эггара дукхагӏа ЖКХ оагӏонца дар хаттараш – 60. Шоллагӏча моттиге тока оагӏонца дувзаденна хаттараш латт – 23 (20%) хаттар. Кхоалагӏча моттиге латт наькъашца дувзаденна хаттараш – 15 (13%). Кхыйолча моттигашца дувзаденна хилар 15 хаттар (13%)», - дийцар «Сердалога» мехкарча ЦУРе.
Белгалде деза, ЦУРа болхлоша бахархошкара цхьаккха хаттар терко йоацаш ца дутилга, мехкарча моттигашкара кхоачамбоацараш гучадахара тӏехьа уж къахьегаш болга, бахархошца бувзаме болаш.
