Гӏалгӏайчен полице Илдарха-Гӏалий тӏа къайлагӏа дохка малар хьадаьккхар
Илдарха-Гӏалий тӏагӏолла йолча Россе ОМВД уголовни розыска даькъа болхлоша хьем боаца тохкама болх дӏахьош, къайлагӏа корта бохабу малар дохкаш хилар гучадаьккхар. Из дохкаш дар кхача бохкача тика чу, цхьаккха тайпара бокъо луш дола каьхаташ а доацаш. Цу тайпара бокъо йоацаш дохкаш дола малар хьадаьккхар полице, яхаш, дийцар «Сердало» газетага Гӏалгӏайчен МВД.
«Ерригаш а 81 ах литр чуйода шушаш яр, тайп-тайпара цӏераш тӏайолаш, иштта 8 цхьан литра диълагӏа дакъа коньяк чудолаш яр. ГӏР гӏолла йолча РФ Тохкама комитета Илдарха-Гӏалан тохкама урхаллен отдела, Илдарха-Гӏалан даькъ тӏарча Россе ОМВД уголовни лахара отдела каьхатех моттигерча яхархочун духьала, цо сертификат доацаш корта бохабу малар дохкаш хиларах, уголовни гӏулакх хьадийллад. Из бехке ю РФ УК 1 д. 238 ст. (кхераме дола хӏамаш арахецар, леладар, дохкар е кхерамзлен ӏалашо йоацаш болх бу гӏирсаш кхоллар)», - аьлар тхоца къамаьл даьчо.
Каьхаташ доацаш малар дохкар - из закон толхадеш хиларал совгӏа, наьха вахар, могашал йоаяра кхерам болаш да. Из да малар къайлагӏа шоаш хьадаь, санитарни тӏахьожам боацаш из дохкаш хилар.
