Телефонага гӏолла банковски чота тӏара ахча дихьар гучаваьккхар Илдарха-Гӏалий тӏарча полице
Мехкарча яхархочун банковски чота тӏара ахча лочкъадаьр гучавоаккхаш болх дӏахьош хилар, Илдарха-Гӏалий тӏарча Россе ОМВД болхлой. «Сердалога» из хоам бера МВД.
Ӏаьдала болхлоша белгалдечох, укх шера маьтсела бетта телефон йоаяь хиннай цу кхалсага. Хӏаьта из бе кхаьча кхыйола яхархо телефона чу хиннача банка мобильни оагӏон «пароль» ховш хиннай, ше юхе йолаш телефон йолчо из хьайийлла хиларах.
Маьтсела бетта 21-ча денгара 22-ча денга кхоачача хана, телефон яйнача кхалсага чота тӏара ший йиший карта тӏа 21 100 сом ахча дӏатӏадахьийтад цо.
Цул тӏехьагӏа банкомате гӏолла из ахча тӏера ӏодаьккха, ший дега ма тов дехкад. РФ УК 3-ча даькъа 158 ст. бехктокхаме озаш я наьха ахча лочкъадаьр (банковски чота тӏара ахча дахьар).
Хьадувцачох, ӏаьдала бокъонах ялх шу суд такха оттавеш зулам да из. Из гӏулакх дӏахо тохкаш ба МВД.
