Офисера ахча дихьа къу лаьцар Наьсарерча полице болхлоша
16.02.2026 10:15
Фирман офисера ахча лечкъадеш хинна къу гучаваьлар Наьсаре полице болхлошта. Из хоам «Сердалога» бир МВД. «Наьсарерча Россе ОМВД болхлошка цигарча вахархочунгара хоам кхаьчар; малав ца ховча сага ший ахча лочкъадаьд, аьнна.
Цу моттиге болх дӏахьош хиннача тохкамхошта гучадаьлар, малав ца ховча сага дийнахьа, Московски оалача ураме йоаллача офисе чуваьнна, яьшка чура 39 эзар сом ахча дихьалга», - йоах тхога бенача хоамо.
Болх дӏабахьа эттача тохкамхошта сиха гучаваьлар къу. Белгалде деза, из саг хьалхагӏа къоал дарах, иштта наркотикаш йохкарах суд текха волга.
