Криптовалюта дехка зуламхой лохаш ба полице
04.04.2025 12:56
Криптовалюта (таьрахьашцара ахча) эцаш Ӏехаеннача республикерча яхархочун лоткъамах, из гӀулакх кхостадаь зуламхой лохаш да Ӏаьдал. Из хоам «Сердалога» бир Ӏаьдала болхлоша.
Таьрахьашцара валюта эца еннача кхалсага, 80 эзар сома меттел 230 эзар сом ахча дӀатӀадахьийтад онлайн-бирже гӀолла.
Ший ахча юхадерзаде елча цхьаккха хӀама ца хулаш йисай из. Полици из гӀулакх тохкаш я, бахархошка кхайкарал ду,боккъал а лоралуш хила, шоаш Ӏеха ма дайта зуламхошка! Нагахьа тийшаболх хиннабале, ха ца йоаеш, Ӏалаьмате чехка Ӏаьдала дӀатӀагӀо.
