Полице гучадаьккхар, банка чота тӀара 500 эзар сом лочкъадаьлга
Эбарга-Юрта 19 шу даьнна яхархо ера полице, ший цӀерагӀа 500 эзар сом кредит ийцалга хайча Из хоам «Сердало» газетага бир бокъонаш лораераша.
Цу йиӀига банка карта 2023 шера дайна хиннад, бакъда из банкага дӀа а ца оалаш е дӀа а ца къовлаш Ӏийнай из. Цу тайпара цун чота тӀара 500 эзар сом дӀадихьад 2023 шера оагӀой бетта 2-ча дийнахьа денз, 2024 шера наджгоанцхой бетта 2-ча денга кхаччалца.
Цул тӀехьагӀа уголовни гӀулакх хьадоладаьд, ахча лочкъадарах лаьца.
2025-ча шера, наджгоанцхой бетта 29-ча дийнахьа зуламхой тохкача болхлошта коравир цу гӀулакха бехке вар. Из ва 22 шу даьнна цун хинна цӀен-да. ЗӀамига саг из доацаш а зуламашца дувзаденна чоалхане гӀулакхаш долаш хиннав. Цо дарий дир, мобильни банкага гӀолла кредит ийца хилара, ший хиннача фусам - наьнага хаьтта хӀама доацаш.
Белгалду: нагахьа санна банкера карта доадаь хуле, шоашта цох зе хиларга ца хьежаш, сихха хоам бе.
