Шоай мохк хийца спортсменаш, Россел арахьа ӏе мара безац
Шоай Даьхе хийца бола спортсменаш Российски Федерацел арахьарча моттигашка ӏе мара безац! Вай мехка уж хьачубутаргбоацаш чӏоагӏо оттаярах къамаьл дир Россе Олимпийски комитета кулгалхо, спорта министр волча Дягтерев Михаила.
Цо белгалдир, Россе хьалкхийна, шоай Даьхе езаш, цун гӏулакха латташ бола спортсменаш лакха терко лоаттае езарех ба, аьнна; хӏаьта цхьан юкъа, шоашта болча аьттонна мохк, байракх тӏехьа хувцаш бараш вайца цхьан наькъ тӏа товргбоацилга. Ма дарра аьлча, цхьаккха а спортивни моттигашка, кхетаченашка царга хьежа везац! «Кхыча байракхаца, кхыча тоабах дӏакхийттарашта духьала санкцеш хила еза.
Цхьаккха тайпара спорта оагӏонцара цӏи царна тӏехьа хургьяц аьнна амар арахийцад оаха. Вай мехкарча спорта моттигашка къахьега бокъо яц цар. Тахан вай ураоттабаь, хьалкхебаь спортсменаш кхыча байракхаца дакъа лоацаш ба, хӏаьта кийчо Россе моттигашка ю. Ишттабараш болаш ба тахан»,- дийцар Дягтерев Михаила.
