Дона-тӏарча-Ростоверча «Турпалий Лаьтта» яхача боламе дакъа лоацаш хилар вай мехкахо
Ростоверча Къулбихьерча тӏема оагӏон Керттерча тӏема моттига доазон тӏа «Турпалий Лаьтта» яха болам дӏабихьар. Кхетаче ши гӏулакх белгалдеш яр – Коталон 81 шу дизар, Къулбехьерча тӏема куран 108 шу дизар. ЮВО чуболхаш бола моттигашкара викалаш бар лорхӏамеча боламе дакъа лоацаш хиннараш. Кагирхой гӏулакхех йолча Комитета хьалха латта Пхьошанаькъан Зоврбик вар цига вай мехкара хьожаваь.
«Турпалий Лаьтта» яха болам кӏоарга, лоархӏаме маӏан долаш бар. Тайп-тайпарча ханашка Даьхен гӏулакхе лаьттараш вӏашкаозаш болх бар из. Цу наькъ тӏа вахар хаьдараш дагалаьцар гулбеннараша. Россе Къулбехье дахача къамашта юкъера бувзам чӏоагӏа хилар белгалдеш дар из. Турпалал гойташ лаьттача къаман къонгий цӏераш массахана яхаргья вай дегашка, тӏехьено тӏехьенга телаш дахаргдола истори да из», - дийцар «Сердалога» Пхьошанаькъан Зоврбика.
Россе 19 моттигера гулбеннача викалашца болама лоархӏамеча балха юкъе дакъа лоацаш хилар вай мехкахо - Сийлахь-боккхача Даьймехка тӏом лаьттача моттигашкара гулъяь геза гилзаш лаьттах йохкача. Гӏалгӏай бӏухой турпалал гойташ лаьттача моттигера лаьтта дӏаделар вай мехкахочо «Турпала Лаьтта» яхача мемориале. Къаман деналах бизза хиннача къонгий цӏераш массахана йовзаш хургья!
