Ветераний Россе союз 70 шу дизарца даькъалайийцар Гӏалгӏайчен массазарча викала
Ветераний Россе союза 70 шу дизара хетаяь Москве дӏахьош хиннача кхетаче дакъа лоацаш хилар Россе Президента Гӏалгӏайчера викал вола Оздой Муслим. Российски эскара Керттерча Цӏагӏа дӏайихьар из йоккха кхетаче.
«Вай мехкарча Россе ветераний союза оагӏон кулгал деча Гелисханаькъан Мухьмадага Россе Герзашцарча низех йолча Министрествон кулгалхочунгара, мехка Тӏема низа Керттерча тӏема-политически моттига хьалха латтача, эскара инарал волча Горемыкин Викторгара Баркал хьаделар, кагирхошца Даьхенцара безам, лерхӏам чӏоагӏбара болх лоаттабарах, РФ Тӏема низа ветерански оагӏон хӏама хьаллоацаш, доаржадеш къахьегарах», - дийцар «Сердалога» массазарча викала фусаме.
Российски ветераний союза хьалха латта Азаров Виталий цу оагӏон 70 шу дизарца даькъалавувцаш, Даьхен хӏама лорадечар оагӏув хьаллоацаш хиларах, цар цӏераш йиц ца еш болх лоаттабарах баркал оалаш къамаьл дир Оздой Муслима.
Белгалде деза, тахан цу моттига къахьегамца дӏахьораш лоархӏаме декхараш долга.
