Гӏалгӏайчен Москверча викала дакъа лаьцар «Бувзама тӏий: Росси, Африка» яхача кхетаче
Гӏалгӏайчен кулгалхочо Келаматанаькъан Махьмуд-ӏаьлас тӏадиллача декхарах, Москверча массазарча викалашца цхьана «Бувзама тӏий: Росси, Африка. Машар хьакхоллара къамаьл» яхача халкъашта юкъерча конференце дакъа лоацаш хилар Оздой Муслим, яхаш, дийцар «Сердало» газетага Гӏалгӏайчен Паччахьалкхено.
Халкъашта юкъерча кхетаче гулбелар доакъашхой, къаман культурай хьал дувца, из дегӏадара оагӏув белгалъяккха. Керттера дийца дош дар дешара, культуран доакъош тӏа шоайла бувзам лелабар, цхьана программаш кхоачашъяр, иштта къамашта юкъера ӏадатий, культура мах барий оагӏув чӏоагӏагӏа дегӏайоалаяр.
Къаьстта терко тӏаяхийтар Российски Федераце, иштта Африкан къамашта юкъера гуманитарни гӏулакхаш чӏоагӏдара.
Кхетачен доакъашхоша шоай балха говзал дӏа-юха ийцар, кхувш йоагӏача тӏехьен мехкагадаккхарах, эхь-эзделах, дин кхетам баларах, иштта массайолча оагӏорахьара дезал хьаллацарах.