Гӏалгӏайчен массазарча викалеи Ахчанцарча университетои Бувзам чӏоагӏбу
Москвера Гӏалгӏайчен массазара викал Оздой Муслими цун балха новкъостийи дувцаш хилар Российски Федераце Паччахьалкхенна чуйоагӏача Ахчан университета кулгалхочунца бувзам лелабарах дола дош.
«Из кхетаче хетаяь яр Гӏалгӏай Республикан болхлой говзал лакхъяра, уж цу даькъ тӏа кийчбара. Цар дийцар, кулгал деча болхлошта тӏехьара тӏа профессиональни дешара программа юкъеяккхарах, цу лостамагӏа болча кхелахоша лекцеш ешаш, семинараш еш дакъа лоацаргдолаш. Къаьстта дийцар къонача говзанчашта, паччахьалкхен болх лелабеш болча наха лаьрхӏа таронаш хьакхолларах, цу юкъе ӏомабалар долаш, Ахчан университета даькъ тӏа лоаца программаш хиларах», - аьлар «Сердало» газетага викала балха моттиге.
Терко тӏаяхийтар студенташ хьаллацара, вуз яьккха баьннарашца цар бувзам лелабара долча хаттарашта. Постпредствон викалашта яйзар республикашта юкъера дешара программаш кердаяхара Финансови университета балха говзал, уж Гӏалгӏайче лелаяра таронашта мах оттабир.
