Лоамашка яьнна цӏи еррига дӏайоаяьй
Интернета оагӏонашка гӏолла даьржадар, Цӏай-Лоама оагӏонца яьнна цӏи дӏайоае аьттув баьннаб, яхаш. Доккха баркал кхайкадеш бар цу юкъе дакъа лоацаш хиннарашта.
Йоккхача тоабанца арабаьнна, цига къахьегаш баьхкача экологаша язду шоай телеграм-оагӏон тӏа: «Цу гӏулакха араваьнна, вай ӏалам цӏерах кӏалхардоаккхаш мел хиннача сага доккха баркал оал оаха! Дала маьлехьа долда шоана из! Доккха зулам юхатоха аьттув баьлар вай, Даьла къахетамца, иштта цхьана духьалъоттарах.
Къаьстта доккха баркал кхайкаду оаха «Enduro» яхача мотоклуба доакъашхошта. Шоай мотоциклашца хий хьатӏакхухьаш, къахьийгар оаш цига! Цигара моттиг шаьра йоацаш, ира хиларах тарра, къаьстта оаш даьр боарам боацаш доккха дар. ӏалама меттада дикка ха езаш хӏама дар хиннар. Цу гӏулакхо вайна хьалхадоаккх, ӏалам лораде дезилга, массахана фийла хила дезилга».
ӏалама гӏулакхех йолча Министерствос республикера экологически хьал лораде, зулам даржар кхерам бараш ма леладе, яхаш, дехар ду бахархошка.
