ТӀой-Юртарча дарбанче Ӏомалуш хилар цӀерах лорабала
09.04.2025 14:26
Наьсарен кхален ТӀой-Юртарча дарбанче республикан цӀерца къовсам лоаттабераша аргӀанара Ӏомабалара болх дӀабихьар, яхаш, дийцар «Сердало» газетага ГӀалгӀай Республике гӀолла йолча Россе МЧС ГУ.
Хьалххе лаьрхӀача беса, терпевтически даькъ тӀа цӀи яьлар. Цу чу хинна нах берригаш а бацар, арабала таро йолаш. ЦӀерца къовсам лелаберашта хьалхашка лаьтта декхар дар, сиха цӀи йоаяр, нах чура арабахар.
«Из болх дӀахьош белгалдир МЧС-а болхлой кийчо мел нийса я а, ха тӀа латтарий, лорий, администраце сакхетам мел лакха ба а. Цул совгӀа, цӀерца къовсам лоаттабара йолча урхаллен болх а дикагӀа вӀашагӀболла таро хул, цу тайпара Ӏомабалар каст-каста дӀахьош хилча», - аьлар цӀи йоаяра гӀулакха кулгалхочо Ӏалбаканаькъан Темарлана.
