ЗӀамига хьаьший тӀаэцаш хилар, МагӀалбикера цӀерца къовсам лоаттабераш
05.06.2025 12:15
«Са кхераме доаца салоӀа денош» яхача ерригача Россе боламга гӀолла, МагӀалбикерча № 2 йолча МЧС оагӀон болхлой болча баха хилар Инаркъерча ишколе болх беча лагерера бераш.
Экскурси дӀахьош, зӀамигача хьаьшашта дийцар цӀи яргйоацаш лораде дезарех. МЧС болхлоша «Сердалога» дийцачох, цӀи яьлча оарцагӀа ухаш йола машинаш, болхлой гӀирс, чура болх байзар берашта, иштта шоай къахьегамах лаьца дийцар царна МЧС болхлоша; хьалхадаьхар цӀагӀа, лагере, хин юхе лораде дезараш.
«Берашта дийцр, цӀи яьлча, дӀа ца лачкъаш, цӀагӀара хьаарадаьнна, оарц деха дезилга, цӀерца ловзараш леладе йиш йоацилга. Иштта хатар ийккха болх хилча, телефон мичахьа тоха еза хьалхадаьккхар: 101,112», - дийцар тха газетага МЧСе.
