Шоаш ха тӀа болаш, цӀаьхха, цӀера нах кӀалхараха безаш нийслой а аьнна, баьдеча шоашта фу дулу хьежар цига, яхаш, дийцар «Сердало» газетага ГӀалгӀайче гӀолла йолча Россе МЧС ГУ зарбан болх лелабераша.

Из болх дӀахьош, цӀераш йоаерашта хьалхашка лаьтта декхар дар, ха деча даькъ тӀа бийсана дӀахьош бола болх мишта вӀашагӀбеллаб хар, бувзам бий, цӀи йоаеш йола техника кийча йий, хоам хьакхаьчача сихонца арабалар мишта вӀашагӀделлад хар, эша гӀирс сиха кийчбар.

«Уж деррига балхаш дӀахьош да, бокъонах хила доаггӀача тайпара. ХьатӀа боагӀаш бола ха тӀара болхлой хьажа безаш ба транспорт, насосаш, радиобувзам, хоам беш йола моттиг кхы а дуккхадараш кийча дий», - аьлар ГӀалгӀай Республике гӀолла йолча Россе МЧС ГУ цӀи йоаяра служба кулгалхочо Ӏалбаканаькъан Тимура.