ГӏалгӀайчен Паччахьалкхено чоалхане хьал юкъедоаладаьд йокъал оттарах
2024 шера йокъал этта хилар бахьан долаш, дӀадийна юртбоахама ялат дайна хиларца дувзаденна (лаьтта декъа хиларах); республикан Паччахьалкхено МагӀалбика, Наьсарен, Шолжа кхалешка; иштта Наьсарен, Шолжа, МагӀалбика шахьарий, Илдарха-Гӏалан доазонаш тӀа; тов бетта 23 дийнахьа денз, чоалханерча хьала боарам лоархӀ, яхаш, дийцар «Сердало» газетага Шолжа кхален администраце.
ГӏалгӀай Республикан Паччахьалкхен соцамах, цу моттигашкарча кулгалхошта хьалхадаьккхад, чоалхане хьал этта хилар бахархошка дӀакхачийтар, хинна зе лархӀара йола комисси вӀашагӀйоллар, юртбоахама продукци арахецаш барашта мел зе хиннад тохкаш хилар; соцам арабаьннача 10 дийнахьа республикан юртбоахама Министерстве из кхача безаш хилар.
Белгалду, чоалхане хьал хургда цу хьакъехьа къаьстта бола соцам арабаллалца.
