ГӏалгӀайчен кагирхой Комитета кулгалхочун къамаьл хилар «Кавказ ТАСС» журналисташца
ГӏалгӀай Республикан кагирхой гӀулакхех йолча Комитета кулгалхочун Малсаганаькъан Адама «Кавказ ТАСС» моттигерча хоамий центра журналисташца лоархӀаме къамаьл хилар, яхаш, хоам бу «Сердало» газетага кагирхой керттерча даькъ тӀа болх лелабераша.
«Пятигорске дӀайихьа зарбан конференци хетаяь яр ГӏалгӀайчен кагирхой политико укх шера хьалхарча ялх бетта баьча балха, иштта дӀахо де дезар белгалдаккхара. Малсаганаькъан Адама дийцар столицан доазон тӀа кагирхой цхьанкхетарий Цӏа хьакхолларах, хьинар дараша тахан беча балхах, иштта гранташ телаш новкъостал дарах», - аьлар хоамо.
«Тхона лов, кагирхой дегӀаахар, царна цхьацца хьаде хӀама корадар. ЛоархӀаме да республикан гаьнарча кхалешка бахаш бола кагирхой таханарча заман хьалашта юкъебахар. Керттерчарех да кагирхой керда центраш хьалъяр, уж царна балха даькъ тӀа эшаш хургья, проекташ вӀашагӀйохкаш, шоайла дагабоалаш йола моттигаш хургья цига», - аьлар ГӏалгӀай Республикан КДМ кулгалхочо.
Цо иштта хьоахадир «Тӏаргам» яха Ерригроссийски кхетаче дӀаяхьа кийчо еш хилар, из дӀахьоргья Мужеча маьцхали бетта.
