ГӏалгӀайчен Юкъарча палатан кулгалхо РФ Юкъарча палатан Кхела президиума юкъеяхай
Ӏамархананаькъан Лейла, ГӏалгӀай Республикан Юкъарча палатан кулгалхо харжар Российски Федераце Юкъарча палатаца бувзам лелабеча Кхела президиуме. Хоржамаш дӀадихьар 2025-ча шера, наджгоанцхой бетта 30-ча денга кхччалца. Российски Федераце моттигашкарча юкъарча палатай кулгалхоех президиум вӀашагӀйоллара болча балха чудоагӀаш дар из.
Ӏамархананаькъан Лейла хургья Къилбаседа Кавказа федеральни куран президиума викал. Кхадж тоссаш хержар из СКФО чуйоагӀача юкъарча палатан кулгалхоша. Из харжар бахьан да, хьинар долаш, шийна тӀадилла декхар дизза кхоачашдеш, мехка юкъара вахар дегӀадоаладеча къахьегаш, из хьайоагӀаш хилар.
ГӏалгӀайчен Юкъарча палата кулгалхо хиларал совгӀа, Ӏамархананаькъан Лейла я «Россе ноаной» яхача региональни отделене кулгалхо, иштта ГӏалгӀай Республикерча Къамий даьй-ноаной ассоциаце бехктокхаме секретарь. Цун балха говзало, вахара наькъо, шеко йоацаш, пайда бахьаргба РФ Юкъарча палатанна чуйоагӀача Кхела презид-иума балха.
