Магӏалбикерча миграционни гӏулакха болхлошца, кхетаче дӏайихьар ветераний Кхела кулгалхочо
Ветераний Кхела кулгалхочунца Доврбиканаькъан С. кхетаче дӏахьош хилар Россе МВД «Магӏалбик» яхача МО миграцех болча оагӏон болхлой. Кхетаче дакъа лоацаш хилар цу оагӏон кулгалхочун декхараш кхоачашдеш вола полице лейтенант Хьаьшанаькъан У.
«Цхьацца лоархӏаме долча гӏулакхех дийцар цига. Къаьстта терко еш йир наха эшар кхоачашдеш дӏахьоча балха. ӏаьдала бокъонаш лораеш, боаггӏача боараме деррига лорадеш хила деза нахацара гӏулакх. Гулбеннараша иштта дийцар кхыдолча лоархӏамечарех, Украине латтача хьалаца дувзаденначарех», - аьлар «Сердалога» МВД зарбан болх лелабераша.
Иштта йола кхетаченаш ветераний Кхела оагӏонца каст-каста хулаш я. Къонабарашта балхаца дувзаденнараш шаьрдеш гӏо ду цига, иштта ӏаьдала болхлошта, бахархошта юкъе массахана бувзам хургболаш къахьег.
