ИнгГУ викала дакъа лаьцар Российски ӏилман ганза Ишколе
Гӏалгай паччахьалкхен университета кулгалхочо дакъа лаьцар, Российски ӏилман ганза Ишкола дешара даькъ тӏа. Къона ӏилманхой, тохкамхой вӏашагӏтеха йола кхетаче дӏахьош яр; Къилбаседа-Кавказа федеральни университета даькъ тӏа.
«Программа керттера маӏан дар - къона тохкамхой кийчбара хьал лакхдар, гранташ яхара йола проекташ кийчъяр, уж дӏаялар. ИнгГУ ӏилманхой таро яр ганза балха говзал кӏоаргагӏа йовза. Шин дийнахьа дӏахьош хиннача программанна чудоагӏаш, доакъашхой кхетаче хилар РНФ кулгалхошца, цар дийцар мохк, ӏилман- технологически даькъ тӏа дегӏабара хьалаш, иштта дакъа лаьцар тематически семинарашка, яхьа дехараш мишта хила деза гойташ, цига дийцар ӏилман балха юкъе дутача гӏалатех», - аьлар «Сердало» газетага республикан керттерча вузе.
Дукха кердадараш дайзар Гӏалгӏай паччахьалкхен университета грантий, ӏилман дегӏадара гӏулакха даькъа болхлочун Дудурганаькъан Муслима.
ИнгГУ викалаш цу тайпарча кхетаченашка дакъа лоацаш хиларо таро лу царна цаӏ дола Россе ӏилман-дешара дакъа довза, иштта новкъостал ду къонача болхлошта шоай тохкама балхаш дӏадахьа федеральни новкъосталах пайда эца.
