ИРКБ СВО бӏухой болча баха хилар «Даьхен лорабой» яхача ганза болхлой, ВСЦ
Россе Герзашцарча низех йолча Министерствон, «Даьхен лорабой» яхача ганза мехкарча филиала болхлой дарбанче бада бӏухой болча баха хилар. Филиала болхло Налганаькъан Танзила, Тӏема-вахара оагӏонцарча моттига доакъашхо Гадаборшанаькъан Мухьмад бар тӏема операце доакъашхой хьал тахка арабаьннараш.
«Тӏема юкъе лозабаьча бӏухошца къамаьл деш, цар дийцар паччахьалкхенгара царна хьадоагӏача хӏамах, федеральни, моттигерча оагӏонца гӏо лоаттадарах, санаторе дегӏа могашал меттаоттае бахийтарах. Шоашта къувлаш мела хиннараш тахка аьттув баьлар бӏухой. Деша оттарца, болх лахарца, вахара оагӏонцара терко лоаттаярца дувзаденна дар дукхагӏа дола хаттараш», - «Сердалога» из хоам кхаьчаб «Даьхен лорабой» яхача ганзера.
Тӏема доакъашхой вахарера юридически, унахцӏенон оагӏонашцара гӏулакхаш меттадоаладара тӏехьа лоархӏаме да иштта йола кхетаченаш дӏакхахьар. Ганза филиала болхлоша белгалдир из болх массахана дӏахьош хургболга.
