Гӏалгӏайчен премьер-министр дакъа лоацаш хилар, Магӏалбике СКТЭКа филиал хьаеллача
Гӏалгӏайчен премьер-министр Сластенин Владимир дакъа лоацаш хилар Чуранаькъан Т. Х. цӏерагӏча Къилбаседа Кавказа доагора-энергетически колледжа Магӏалбика филиал хьаеллаш. Керда из дешара моттиг я дарбанчен, реабилитационни центра даькъ тӏа. Цига ваха волаш, Паччахьалкхен Председатель хьежар филиала гӏирсий - технически кӏийленга, лекцеш ешара йолча залашка, дешара лабораторешка, иштта дийцар урхаллен болхлошца, хьехархой тоабашца балха хаттараш.
«Кердача филиале студенташ кийчбергба кхаь лостамагӏа «Лорий йиша», «Дарбан гӏулакх», «Царгашта доал дар». Карарча шера деша хьаийцав 120 гаргга студент, уж берригаш а бюджетни ларда тӏа дешаш ба. Къаьстта йола терко тӏаяхийтар Магӏалбик-Шахьаре лакха говзал йола лорий дешар хилийтара. Керда филиал хьаеллар бахьан долаш, республикан унахцӏенон даькъ тӏа лакха балха говзал йолча болхлошца ӏалашо е таро хургья», - аьлар «Сердало» газетага мехкарча Паччахьалкхено.
Магӏалбике керда дешара моттиг хьаеллар - из лоархӏаме дош да. Цунца цхьана дегӏадоагӏаш да Гӏалгӏайчен профессиональни дешар. Моттигерча кагирхошта цо таро лу дикал йола республикера дешар дийша хила. Цул совгӏа, цо таро лургья лакха балха говзал йола лорий болхлой кийчбе, уж тахан чӏоагӏа эшаш ба республикан дарба дара наькъаш хьехача моттигашка.
