Къаман библиотекан проекта лакха мах оттабир цу гӏулакхаца ювзаеннача центро
Карарча шера, Янданаькъан Жамалда цӏерагӏча Къаман библиотеке кхоачашъе йолайир, «Къахьегама овсарле» яха федеральни проект. Из лаьрхӏа я культуран даькъ тӏа дикагӏа балха говзал йоаржаяра. Мехка керттера хоамий моттиг ше хиларах тарра, урхалле хьож таьрахьий хьалаш лоаттадара болх ма хулла дикагӏа тоабе. Цунца дувзаденна, гӏалгӏай библиотека болхлоша лаьрхӏар из болх боаржабеча хьалхале лелаю оагӏув юкъеяккха.
«Шин бетта тха тоаба къахьегаш хилар цу проекта тӏа. Болхлой ӏомалуш бар «РФ къахьегама овсарле» яхача портала тӏа, цар ӏомадора болх лорабар, хаттараш оттадар хьал довзар, хронометраж мел хила еза, нах раьза хилара каьхат оттадар, дӏахо дола библиотекан балха хьал кердадоахар.
Кхыча моттигерча юкъарлонца дагабоалаш, ма хулла из тоабеш ха дӏайихьар библиотекан болхлоша. Юкъедаьхад керда лостамаш, уж вахара бувзамашта эшаш да, иштта техкай кепайоазон план, кхы а дуккхадар. Библиотеке дӏайихьар тематически кхетаче. Из кийчйир таьрахьашца дегӏаахара Академеца цхьана», - аьлар «Сердало» газетага ГӏР къаман библиотеке.
Гӏалгӏайчен Къаман библиотекан болх, дика лоархӏаш, тӏаийцар культуран даькъ тӏарча центро. Иштта лакха мах оттабир кхелахой юкъарлоно, из кхоачашбаь баьннарех лаьрхӏар.
