«Цаӏ йолча Россе» проекташ чулоацаш я Гӏалгӏайчен бахархой вахара оагӏонаш
«Цаӏ йолча Россе» 22 партийни проект ӏалашо еш я республикан вахара-экономически дегӏаахар, яхаш, дийцар «Сердало» газетага ГӏР Кулгалхочун зарбан болх лелабераша.
«Партийни проекташ - уж лоархӏаме я наха дагадоахкаш дола декхараш кхоачашдеча. Тхона лоархӏаме да, хӏара проект пайда бахьаш хилар - ишколаш хьалъяр, е спортивни гӏишлош яр, дезал хьаллацар, юрта доазонаш дегӏадоаладар, шахьара дика хьалаш хьакхоллар, кхыдараш.
Болх дӏахьош ба из болх лелабеча министерствашца цхьана, моттигерча доал деча даькъ тӏарча, юкъарлон советашца, цар новкъостал ду лоархӏаме толамаш даха. Керттера терко тӏайохийт деррига хьадеш мел дар къаьга хилийтара, наха гуш хургболаш цох хьабоалаш бола пайда», - аьлар Гӏалгӏайчен кулгалхочо Келаматанаькъан Махьмуд-ӏаьлас.
Россе Президента Путин Владимира дукхаза хьалхадаьккхад партийни проекташ эшаш а пайда хьабоалаш а хилар, иштта доккха дакъа лоац «Цаӏ йолча Россе» къаман проекташ, паччахьалкхен вахара-экономически дегӏаахара хаттараш кхоачашдеча. Цо яхачох, партийни гӏишлоша вӏашагӏтох паччахьалкхен, бахархой, профессиональни юкъарлон хаттараш.
Гӏалгӏай мехка партийни проекташ чулоацаш я тайп-тайпара вахара оагӏонаш. Уж я берий спорт, экологи лораяр, таьрахьа технологеш дегӏакхувлар, предпринимательство хьаллацар, юртара доазонаш дегӏадоаладар, къаьстта терко тӏайохийт дезалашта, ишколашта, шахьара хьалашта, кхыйолча оагӏонашта.
Цхьана из болх дӏахьош хиларо дика толамаш даха таро лу, цунца цхьана хьагойт моллагӏа дола хаттараш кхоачашдара йола парте таронаш.
