ГӏалгӀайчен профсоюзаш кийчлуш я, Наьсаре маьтсела бетта 1-ча денна хетаяьча митингага
ГӏалгӀайчен столице Республикан профсоюзий цхьанкхетара Президиума кхетаче йолаш, дийцар хьатӀадоагӀача маьтсела бетта 1-ча дийнахьа Наьсаре дӀахьоргйолча митингага кийчо е езарах, яхаш, дийцар «Сердало» газетага цу моттигерча зарбан болх лелабераша.
Кхетаче дувца оттадаь дош дар маьтсела бетта 1-ча дийнахьа митинг дӀаяхьарга кийчо яр, тоабашцара чӀоагӀо дикагӀа лелаяр, иштта «Коталон диктанта юкъе» дакъа лацар. Доакъашхоша тӀаийцар цхьацца дола керттера хаттараш, уж дар къахьегама бокъонаш лораяр, Бӏаьстан, къахьегама Ди дездар, иштта патриотический кхетам балар.
Республикански митинг дӀахьоргья маьтсела бетта хьалхарча дийнахьа. Болх вӀашагӀболлара йолча отдела говзанчаша план оттаергья болам кийчбара, из гойтаргья 2026 шера, бекарга бетта ГӀР СООП Кхеле чӀоагӀъяр духьа. Профсоюзаш лаьрхӀа я хьинар дола кагирхой юкъебаха, из кхетаче мехка СМИ гӀолла дӀагойта.
Цул совгӀа, кхетачен доакъашхоша дийцар, предприятешка, организацешка тоабай чӀоагӀо ярах, из дукхагӀа лелаярах. Президиума белгалдир, пайда луш йола коллективни чӀоагӀо лелаяр керттера хургда вахара бувзама, болхлой бокъонаш лораяра даькъ тӀа.
Цунца цхьана, ГӀР СООП бекарга бетта 28-ча дийнахьа, ГӀР Паччахьалкхен къахьегама инспекце дӀахьоргья къахьегам лорабара республикански семинар, из хетаяь я къахьегам лорабара Дерригача дунен денна.
Иштта Президиума лаьрхӀар «Коталон Диктант» яха Ерригроссийски болам дӀахьош, членски организацеш хила еза аьнна, из дӀахьоргда 2026 шера бекарга бетта 24 дийнахьа.
