Гӏалгӏайчен профсоюзаша, КСВОс новкъостал дергда СВО ветеранашта
Магас-Шахьаре Гӏалгӏай Республикан Даьхен бӏухой дезалий Комитето, «ГӏР профсоюзий цхьанкхетаро» лоархӏаме бартчӏоагӏо йир.
«Шин моттиго шоайла барт баь хиларо таро лу, республикан доазон тӏа бахача лаьрххӏача тӏема операце бӏухошта новкъостал лоаттаду болх тоабе. Бартчӏоагӏон кулг яздаьд Комитета кулгалхочо Эсамарзанаькъан ӏалаудина, профсоюзий цхьанкхетара кулгалхочо Оздой Хаде. Из лаьрхӏа да СВО доакъашхой, цар дезалаш массайолча оагӏорахьара хьаллацара. Из болх цар дӏахьоргба, шоайла бувзам болаш, законах доаггӏача беса новкъостал деш. Цунна чудоагӏаш да юридически, психологически хаттарех йола консультаци дӏаяхьар, иштта нах тӏаэцар, герга истолаш дӏадахьар, из болх хоамашка гӏолла гойтар», - аьлар «ГӏР профсоюзий цхьанкхетара» зарбан болх лелабераша.
Къаьстта йола терко лоаттаергья кагирхой Даьхенцара безам совбоаккхаш. Из болх дӏабахьара бехктокхаме хила безараш белгалбир шинна оагӏахьара. Цу бартчӏоагӏоно болх бу кулг яздаьча хана денз, из болх беш хургья кхаь шера, дӏахо а дӏаьхде бокъо йолаш да из гӏулакх.
