«Юртара лор» яха программа я вай мехка дӀахьош
16.08.2024 10:01
«Юртара лор» яхача программага гӀолла юрташка балха эттар дӀадахача шера 49 лор, укх шера - 30. Из хоам «Сердалога» бир Паччахьалкхен зарбан болх лелабераша.
УнахцӀенон гӀулакхах йолча Министерстве теркалдечох, таханарча дийнахьа юрташка тоъаш боацараш берий лораш ба. Из хьал тоадара тӀехьа гӀо деш я, 2012-ча шера денз хьаяхьаш йола беркате программа.
««Юртара лор» яхача программага гӀолла юрташкара унахцӀенон оагӀонцара хьал тоаде аьттув ба тахан.
Цунга гӀолла балха оттарал совгӀа, юрташкара хьал тоаде аьттув ба къонача лорий», - белгалдир унахцӀенон гӀулакхех йолча Министерствон кулгал деча Антошканаькъан Заремас.
Программан доакъашхочо диззача пхе шера болх бе беза юрта, цох цунна лу 1 млн ахча.
